Amazing Sand Arts by Andres Amador

This slideshow requires JavaScript.

STRIKE 3

STRIKE 1
Maganda ang gising ko kahit kulang ako sa tulog noong isang araw. Katulad ng dati, kailangan ko gumising ng maaga upang pumasok sa trabaho. Inat-inat, luto ng almusal, kain, ligo, bihis at ready na ako pumasok. (Fast-forward)

Nakasakay na ako ng jeep sa pilahan. Di pa man nakakaalis ang jeep na sinasakyan ko, ang init na agad ng ulo ni Mamang Driver. Pilit kasing ginagawang siyaman ang walohang jeep. Nagkataon pang may sumakay na 1 ½ ang sukat ng katawan, ayon uminit ang ulo ng driver kasi bumaba ang dalawang pasahero dahil ayaw nila masikip na masasakyan. Wala ng gustong pumasok, napilitang umalis ang jeep na kulang ang sakay. Walang nagawa ang sumisigaw ng Mamang Driver kundi umalis na kulang ang sakay, lahat ng sakay ay nagmamadali.

Umandar na ang jeep. Makalipas ang pitong minuto at limampung segundo na pagtakbo, pumara ang isang binatilyo. Maporma at mukhang maraming pera. Mukhang may date dahil nagmamadaling bumaba. Maya-maya pa ay sumigaw ang hot-tempered na Mamang Driver, “Hoy! Di ka pa nagbabayad!” Nagkamali pala ako ng akala sa porma ng binatilyo. Hindi umandar ang jeep hanggat hindi lumalapit yung binatilyo na noon ay nasa kabilang kalsada na. Nagtalo na ang dalawa sa gitna ng kalsada habang ang mga kasunod naming jeep ay naghuhumiyaw na sa lakas ng busina. Biglang umeksena ang isang pasahero sa likod at sinabing, “Nagbayad na yan kanina! Ano ba, late na kami!”

Hindi ko alam kung nagbayad ba talaga ang mapormang binatilyo o hindi sapagkat hindi ko nakita. Ang sabi ko na lang, “Strike 1!”

STRIKE 2

Umalis kami sa eksenang yun na mas lalong mainit ang ulo ng Mamang Driver. Panay ang salita ng kung anu-anong di masikmurang mga salita. Kung pwede lang niyang balikan yung binatilyo upang basagin ang mukha pero wala na siyang magawa kundi magmura.

Maya-maya pa ay biglang pumara ang tatlong mama na mukhang mga construction workers dahil sa itsura, damit, at amoy nila. Malayo-layo na rin pala ang tinatakbo namin mula sa mapormang binatilyo na inakusahang di nagbayad.

Nakababa na ang tatlong mama ng, “Mga gago kayo! Makita ko lang kayo sa pila sa susunod, pagbabasagin ko mga pagmumukha ninyo!” Teka, teka ano naman ang nangyayari? (sabi ko sa isip ko.) Ano? Di na naman nagbayad yung tatlo? Hehe, mukhang minamalas ang Mamang Driver, nakapagsakay ng mga pasaherong suspek sa di pagbabayad ng pamasahe. As usual, walang nagawa ang Mamang Driver kundi ang patakbuhin ang jeep na sinasakyan namin sapagkat naka-GO na ang traffic light.

Nanggigigil na ang Mamang Driver dahil sa magkasunod na insidente ng di pagbabayad ng mga pasahero niya. (Ako din, di pa nagbabayad nung mga oras na yun.) Nararamdaman ko ang galit at pagkainis ng Mamang Driver, bumibilis na ang takbo ng jeep na sinasakyan namin. Wala na siyang sinasanto, pakiramdam ko nakasakay na ako sa isang Fast and the Furious na sasakyan. Dahil ito sa tatlong bugoy na di nagbayad ng pamasahe…strike 2!

STRIKE 3

Inilabas ko na ang wallet ko upang kumuha ng pamasahe. Galit na galit na ang driver, mukhang papatayin na niya lahat ng mga di pa nakakabayad. Gusto na niyang manigurado na lahat ng naiiwan na pasahero niya ay magbabayad. Nagsisipagabutan na ng bayad ang mga kasama kong pasahero. Natatakot na din siguro na mapatay ng Mamang Driver. Nanlilisik na ang mga mata nito at bawat kilos ng kanyang mga pasahero ay kitang kita niya sa salamin ng jeep. Lahat ng aakmang bababa ay nililingon niya upang makasiguro na nakabayad na ito bago bumaba.

Akmang iaabot ko na ang bayad ko ng ginitgit ng Mamang Driver ang isang jeep na nasa unahan namin. Isang centimetro na lang ang layo para masagi niya ang sasakyan. Natural ang jeep na nagitgit ay mag-iinit ang ulo. Ginitgit din ang jeep na sinasakyan namin. Yun nga lang natamaan niya ang side mirror ng Mamang Driver na umaapoy na sa galit. Naggitgitan ang dalawang jeep na parang TOKYO DRIFT. Kabado na ako sa susunod na mangyayari.

Hindi na nakapagpigil pa ang Mamang Driver at bumaba na ito at hinabol ang jeep na gumitgit sa kanya. Mabilis tumakbo ang Mamang Driver. Daig pa niya si Superman sa bilis. Gusto na niyang bumasag ng mukha at ilabas ang galit sa mga hindi nagbayad sa kanya ng pamasahe sa driver na ginigit niya na gumanti rin sa kanya. Nakakapit ito sa likod ng jeep na hinahabol niya. Natulala kaming lahat sa nakikita namin. Ng mahimasmasan ako, hindi ko pa rin pala naibababa ang aking kamay na nag-aabot ng pamasahe ko.

Nakakakaba ang mga sumunod na nangyari. Bigla na lang naming nakita na tumilapon sa jeep ang Mamang Driver. Sa di maipaliwanag na pangyayari, hindi namin alam kung paanong tumilapon siya sa bintana ng jeep. Maaaring pinagtulungan siyang ihulog ng mga pasahero ng jeep na hinabol niya o di kaya tumilapon siya habang gumigewang ang jeep na hinahabol niya. Mabuti na lang at walang sumusunod na jeep noon at tiyak napisak ang Mamang Driver sa gitna ng kalsada.

Bigla akong napatingin sa aking relo at nakita kong atrasado na ako sa aking biyahe. Kailangan ko ng gumalaw kung hindi ay male-late ako sa aking trabaho. Sa hindi maipaliwanag na pangyayari, bigla akong nagdesisyon na bumaba ng jeep at sumakay agad sa paparating na jeep.

Walang magandang idudulot ang pagiging mainitin ang ulo. Ika nga e hindi tayo nakakapagisip ng  maayos kapag galit tayo. Kaya naman maganda kung mapag-aralan natin ang pagiging kalmado sa lahat ng oras. Katulad ni Mamang Driver, maaaring nadigrasya sana siya sa pagkakataong yun pag nagkataon. Ng dahil lang sa siyete pesos na nawala sa kanya, na hindi rin naman niya sigurado kung nagbayad o hindi yung mga inakusahan niya, muntikan na siyang bawian ng buhay.

Sinasadya ko man o hindi, napaisip ako na tama lang na hindi ko naiabot ang pamasahe ko sa Mamang Driver, para maisip niya na habang umiinit ang ulo niya, mas lalong wala siyang makukuhang mabuti at mapapahamak lang siya.

Nadaanan namin ang Mamang Driver na pipilay-pilay pabalik sa jeep niya. Kung ano man ang mga sumunnod na nangyari pagkatapos nun, wala na akong pakialam. Bigla ko na lang nasambit sa aking isip habang papalayo na ang jeep na sinasakyan ko sa Mamang Driver na pabalik sa kanyang sasakyan… “STRIKE 3!.”

When helping does not help

When King tests…

In ancient times, a king had a boulder placed on a roadway. Then he hid himself and watched to see if anyone would remove the huge rock. (Continue Reading…)

When helping does not help…

A man found a cocoon of a butterfly. One day a small opening appeared. He sat and watched the butterfly for several hours as it struggled to force its body through that little hole. Then it seemed to stop making any progress. It appeared as if it had gotten as far as it could, and it could go no further.

So the man decided to help the butterfly. He took a pair of scissors and snipped off the remaining bit of the cocoon. (Continue Reading…)

The broken Jaguar…

About ten years ago, a young and very successful executive named Josh was traveling down a Chicago neighborhood street. He was going a bit too fast in his sleek, black, 12 cylinder Jaguar XKE, which was only two months old. He was watching for kids darting out from between parked cars and slowed down when he thought he saw something. As his car passed, no child darted out, but a brick sailed out and – WHUMP! – it smashed Into the Jag’s shiny black side door! SCREECH..!!!! Brakes slammed! (Continue Reading…)

The Unintentional Hero

Unintentional Hero

Mark was walking home from school one day when he noticed that the boy ahead of him had tripped and dropped all the books he was carrying, along with two sweaters, a baseball bat, a glove and a small tape recorder. (Continue Reading…)

The most caring child

Author and lecturer Leo Buscaglia once talked about a contest he was asked to judge. The purpose of the contest was to find the most caring child. (Continue Reading…)

What it means to be adopted

Teacher Debbie Moon’s first graders were discussing a picture of a family. One little boy in the picture had different color hair than the other family members.  (Continue Reading…)

Missing Child

In a small town in Spain, a man named Jorge had a bitter argument with his young son Paco. The next day, Jorge discovered that Paco’s bed was empty – he had run away from home. (Continue Reading…)

The hidden secret of Heaven and Hell

The story of Almie Rose

It was at least two months before Christmas when nine-year-old Almie Rose told her father and me that she wanted a new bicycle. As Christmas drew nearer, her desire for a bicycle seemed to fade, or so we thought. We purchased the latest rage, Baby-Sitter’s Club dolls, and a doll house. Then, much to our surprise, on December 23rd, she said that she “really wanted a bike more than anything else.”

It was just too late… (Continue Reading)

The secret of Heaven and Hell

The old monk sat by the side of the road. With his eyes closed and his legs crossed and his hand folded in his lap, he sat in deep meditation, he sat. Suddenly his zazen was interrupted by the harsh and demanding voice of a samurai warrior. (Continue Reading…)

Weird way of Teaching Communication
Several years ago, while attending a communications course, I experienced a most unusual teaching process. This seemed like a very private process, but there’s always some brave soul in the crowd who will volunteer. (Continue Reading…)

BABALA: Mag-ingat sa LAGLAG BARYA GANG!

Txt…txt…txt. Wala akong pakialam sa mundo at sa mga taong sumasakay sa jeep na sinasakyan ko nung isang araw. Hindi ko inaasahan na may magaganap na drama at krimen sa araw na yun…sa loob ng jeep.

Binabaybay ng jeep ang kahabaan ng Marcos Highway sa Antipolo ng biglang may sumakay na limang lalaki. Ang tanging kapansin-pansin sa kanila bukod sa malalaki ang katawan, pare-parehas silang may dalang backpack bag. Wala ng maupuan pero nakipagsiksikan pa rin sila sa loob. Ang tatlo ay nakahanap naman ng masisiksikan, yung isang lalaki sumabit at ang isa pa ay pumwesto sa gitna. Tuloy ang buhay.  Wala pa rin akong pakialam.

Txt pa rin ako ng txt… ng biglang may nahulog kuno sa ilalim ng upuan yung isang lalaki na wala ng maupuan. Dito na nagumpisa ang drama. May hinahanap kuno yung lalaking nakatayo sa gitna ng jeep sa ilalim ng upuan sa may bandang harap kung saan nakaupo ang magiging biktima ng krimen. Hindi ko alam kung ano yung inilaglag pero may kunwaring hinahanap sa ilalim ng upuan. Mahirap gumalaw sapagkat siksikan sa loob ng jeep. Dahil sa sadyang matulungin ang ilang kapwa nating mga pinoy, hindi nakakapagtaka na may tumulong sa lalaki upang hanapin sa ilalim ng upuan yaong nalaglag na bagay (kung meron man talaga). Epektibo ang drama ng lalaking may hinahanap na kung ano. Nakabingwit siya ng isang biktima. Tinulungan siya ng isang ale na nasa bandang harapan. Ngunit sabi nga minsan, kung sino pa yung tumulong siya pa ang dehado at napagsasamantalahan.

Nakikiramdam na ako sa mga nangyayari sapagkat nakaramdam ako ng kakaiba sa dramang nagaganap sa loob ng jeep. Patuloy pa rin ang  paghahanap sa nahulog na bagay. Pinapakiramdaman ko na ang dalawang katabi ko sapagkat naging malikot ang nasa kanan ko. Maya-maya pa biglang pumara ang lalaking nasa gitna. Maaaring nahanap na niya ang nahulog na bagay sa ilalim ng upuan o baka sasakay na lang siya sa ibang jeep na mas maluwag. Ngunit nakakapagtaka, hindi sumunod ang apat pa niyang mga kasamang lalaki. Maaari bang hindi talaga niya ito mga kasama o may ibang dahilan kung bakit nagpaiwan ang mga ito?

Akala ko tapos na ang drama pero umpisa pa lang pala yun. Biglang sumigaw yung babae na tumulong dun sa lalaki bago pa man ito nakababa ng jeep. “SANDALI! NAWAWALA CELLPHONE KO!”, malakas na sigaw ng babaeng tumulong. Nagkagulo na sa loob ng jeep. Naalerto ang lahat ng pasahero sa sinabi ng babae. Ako din mahigpit ko ng hinawakan ang aking dalang cellphone tsaka wallet at nakiramdam sa mga susunod na mangyayari. Sumagot ang pababa ng lalaki, “BAKIT KO KUKUNIN ANG CELLPHONE MO? MAY SARILI AKONG CELLPHONE (sabay hugot sa cellphone na nasa bulsa niya). Bumaba na ng jeep yung lalaki na galit na galit pagkatapos niya itong sabihin . Umiiyak na ang ale na nawalan ng cellphone. Lahat din ng pasahero nagulat sa sinabi ng babae. Pero ako kahit wala akong pakialam kanina, alam kong may kakaibang nangyayari.

Maya-maya nagsalita ang ibang mga aktor sa dramang nagaganap. Kunwari ay nagagalit naman yung isang kasama nung lalaki na bumaba kanina at sinabing, “HABULIN MO NA! NAKAKAABALA KA SA BYAHE. PARE-PAREHO TAYONG NAGMAMADALI.” Sinegundahan naman ito ng isa pang lalaki na kasama nila kanina. Ganito rin ang sinabi nung lalaki na nakasabit, “HABULIN MO NA, AYUN PA SIYA (sabay turo sa lalaking nag-aabang na ng sasakyan)”. Nagtataka na ako, bakit ang mga lalaking yun lamang ang nag-uudyok sa babae kung ano ang dapat gawin.

Bumaba yung babae. Hindi ko na alam ang mga sumunod na nangyari sa pagitan nila nung lalaking hinabol niya. Malayo na ang jeep na sinasakyan  namin sa dalawa.

Samantala, ang mga naiwang aktor ay patuloy ang dialogo sa loob ng jeep at batid sa kanila ang lihim na nasa likod ng natapos na drama. Pinagmamasdan ko sila isa-isa lalo na yung lalaki na katabi nung babae kanina. Malikot ang mga mata at palinga-linga. Yung ibang lalaki nakangisi na parang may nililihim. Maya-maya nakarating na kami sa may bandang Ligaya ng pumara ang natitirang apat na lalaki. Noon ko napatunayan na tunay silang magkakasama…maaaring magkakasabwat din sa katatapos lang na krimen.

Tumakbo na ang jeep at iniisip ko ang mga nangyari…

Naaawa ako dun sa ale sapagkat naisip ko lang na mali ang lalaking hinabol niya. Hindi yung lalaking bumaba ang tunay na dumukot sa cellphone niya, kundi ang lalaking katabi niya. Posibleng sinamantala ng lalaking katabi nung babaeng nadukutan ang pagkakataong dukutin sa bag ng ale ang cellphone habang tinutulungan niya kanina yung lalaki na hanapin yung nahulog na bagay sa ilalim ng upuan. Sa pagkakataong yun, hindi alerto ang babae sa anumang posibilidad ng pandurukot. Mahaba ang pagkakataon nung lalaki na dumukot sa bag habang abala yung babae kanina na nakikipaghanapan sa nahulog na bagay sa ilalim ng upuan. Naging malikot naman ang ibang mga kasama nila sa kani-kanilang mga upuan upang hindi mapansin ng ibang mga pasahero ang nagaganap na pandurukot. Ginawa nila ito upang hindi matuon ang pansin nila sa nagaganap na krimen.

Samantala, posible rin na hindi sa pagkakataong ito naganap ang pandurukot. May posibilidad ding nadukutan na yung biktima bago pa man ito nakaupo kanina.  Magkakasunod kasi silang sumakay. Kumbaga, PLAN B na lang ng limang lalaki ang dramang naganap sa loob ng jeep kanina.  Sinamantala naman ng ibang aktor na pababain yung babae habang ito ay nasa estado pa ng pagkabigla sa pagkawala ng cellphone niya. Ngunit kung iisipin sa estilo ng kanilang ginawang pandurukot, mas mangingibabaw na modus operandi nila yung drama kanina.

Ito ang estilo ng mga LAGLAG BARYA GANG. Isang estilo ng pandurukot na gamit ang drama at pagsindak sa mga biktima. Ayun sa mga eksperto, ang bawat nilalang ay may posibilidad na nakatuon lang ang pansin sa isang bagay at hindi na ito alerto sa ibang bagay na nangyayari sa paligid. Kapag nabigla ang isang tao, aabot ng pito hanggang sampung segundo o mas matagal pa bago ito maging alerto ulit. Ito ang sinasamantala ng mga LAGLAG BARYA GANG na kahinaan ng mga tao na kanilang mga nabibiktima. At ang kaawa-awang babaeng nadukutan sa pagkakataong iyon ang perpektong halimbawa nito.

Ingat na lang.